شعری در اوصاف قاضی جهان *استادمحمد حسین خلیل نژاد

در وصف قاضی جهان

به به نه باصفادی  بو قاضی جهانیمیز

معناده دلربادی  بو قاضی جهانیمیز

واردور صفالی باغلاری جناته بنزوری

جنّاتیدن نمادی بو قاضی جهانیمیز

قلبه صفا وئرور دولانان وقته باغلاری

خوش آب و خوش هوادی  بو قاضی جهانیمیز

گلّلر آچاندا سیر ائلیون گلستانلارا

اونّاندا باصفادی بو قاضی جهانیمیز

واردور قزل گلی ایکی دنیالره دگر

گللر نده ماورادی  بو قاضی جهانیمیز

هر دردمند گلسه دیون مأیوس اولماسین

امراض اوچون دوادی  بو قاضی جهانیمیز

تعلیم ایدوبدی دوروبره درس همتین

اطرافه راهنمادی  بو قاضی جهانیمیز

چوخ باادب جوانلاری وار فخر ائدور بشر

بو علته رسادی  بو قاضی جهانیمیز

عشاقیله گزنده دئیور مرحبا اولا

نور اهلنه جلادی  بو قاضی جهانیمیز

چشم دلیله باخسابیری فوراً عرض ائدر

آی نور تک ضیادی بو قاضی جهانیمیز

عفتلیــدورخانملاری زهرا سوندی لر

دانشکده ی حیادی  بو قاضی جهانیمیز

چوخ نیرومندلر گتوروبدی وجوده چون

تولیدی قوادی  بو قاضی جهانیمیز

باخ نوحه خوانلارین اوسس دلربا سنه

پرورده ی صدادی بو قاضی جهانیمیز

دنیا نقدر وار آدی پاینده دور بولون

همیشه لق بقادی  بو قاضی جهانیمیز

گر صد قیلن دعا  اولونا حق قبول ایدر

دربار التجادی بو قاضی جهانیمیز

اوخشا د اذان چینی  او  بلال پیغمبره

گوربو ایشه رضادی بو قاضی جهانیمیز

گراولماسا نجابتی بو  اهلنین یقین

مستوجب دعادی  بو قاضی جهانیمیز

بافنده لر گجه گونوزی  چوخ تلاش ائدور

فخر ایلسه بجادی  بو قاضی جهانیمیز

وار یاخشی اتلری پیشین  اولسا کفته سی

چون مرکز غذادی بو قاضی جهانیمیز

کنده گلنده قور دره بیر عدّه قورخوشور

غمدن ولی رهادی بو قاضی جهانیمیز

باغلانسا گر بو سیل قاباقی  چوخ گوزل اولار

باغلانماقا رضادی  بو قاضی جهانیمیز

عبرت گوزیله باخسا بیری درک ائدر یقین

دنیای غم فزادی بو قاضی جهانیمیز

چوخلارگلوب وجوده گئدوب قالموری آدی

بیر کاروان سرادی  بو قاضی جهانیمیز

یازدون خلیل نژاد بوگوزل شعری شوقیلن

عاشق بولر هارادی بو قاضی جهانیمیز

شعر از:

***    استادمحمد حسین خلیل نژاد قاضی جهانی