X
تبلیغات
رایتل
ads

اشعار ترکی از استادحاج مجید(باقر) وثوقی قاضیجهانی در وصف قاضی جهان

7 شهریور 1395 ساعت 13:31

 

 

 

 

 

 

 

 

اشعار ترکی از استادحاج مجید(باقر) وثوقی قاضیجهانی 

 در وصف قاضی جهان 

استادحاج مجید(باقر) وثوقی قاضیجهانی

قدجهان «قاضیجهان» - قسمت اول

قدجهان شهرک اولوبدور یاپیشیب گوگانه،

بیرطرفدنده اخیرجاندی گلیب میدانه،

بیرده همسایه غله زاردی،سپس  آذرشهر،

اوطرفدنده پولوستردی،باخیر ممقانه،

پارچه بافدور،حوله بافدور،فرش باف،

بوا‌وچی رونقی وار،صادراولور هریانه،

بیرده کارخانه قیسی،دوزه لیر یایدا فقط،

قیسی دور مغزبادام،گردو گدیر تهرانه،

اولماسایدی بو نچه کارخانادا قالمیشیدوخ،

بو دوردبش کارخانانین محصولیدور پشتوانه،

قدجهان بیرگوزل ابادیدی املاکی چوخ آز،

یاخجی باغلار، هامیسین صاحب اولوب بیگانه،

گازی وار،سویی واردور،برقی چوخدان چکیلیب،

تلفنی دایراولوب، وصل اولوب هریانه،

حاج صادق گتدی اوگون برقی و بیرده پستی،

بخش تزریقیده گتدی بو گوزل فرزانه،

حقی واریاده سالام،حاج علینین خدمتینی،

آبیاری گتیریب،خدمت ایدیب شاهانه،

هرکسین خدمتی وارقدجهانا الله اونا رحمت ایله،

باغلارین باخچالارین،تبدیل ایله گیلن رضوانه،،

قدجهان «قاضیجهان» - قسمت دوم

سویملیدورقدجهانین باغلاری،

بستانلاردا،گل بسرین طاغلاری،

قوهونلاری،قارپیزلاری،بیرده اوزوم باغلاری،

دادلی دوزلی،یوغورتلاری،یاغلاری،

قدجهاناکشیک ویررداغلاری،

ایرمی بیرایل قدجهاندا قالمیشام،

قیزیل داغدان من چوخ الهام المیشام،

گیجه گوندوزباغلاردا دولانمیشام،

اوخوموشام، آغلامیشام، یانمیشام،

طبیعتدن الهام الیب اللها اینانمیشام،

قدجهانین چوخ گوزلدورهاواسی،

باخچالارین،باغلارینین صفاسی،

باغلاردان گلیری صنوبرینین صداسی،

بیرگوزل کیشیدیرچوخدوروفاسی،

دوست یولونداجاندان کیچن اوغولدور،

هامی بیلیرچوخدور بونون صفاسی،

اللی ایلدور، آیریلمیشام ایلیمدن،

بیرگون دوشمزاوز وطنیم دیلیمدن،

دوسلاربیلیرمن قورخمارام اولومدن،

قلبیم یانیر آیریلمیشام گولومدن،

ناراحتم قیزیل داغی بوشلادیم،

غربتده قالماقی،گلیب خوشلادیم،

غربتده چوخ  آجی شربت ایچمیشم،

بدترین شهری من نیه سیچمیشم،

ای قیزیل داغ دره لرین واراولسون،

کهلیکلرین، فره لرین واراولسون،

شورسولارین، قیه لرین واراولسون،

کهلیک اوتی، تره لرین واراولسون،

شورسویون فایداسی انساناچوخدور،

بوشورسویون تایی هچ یرده یوخدور،

محلاتدا،سرعینده،وارایستی سو بیلیرم،

بوشورسودور، بوطعم اولاردا یوخدور،

ای قیزیل داغ، سن بوردومون گوز‌وسن،

‌وثوقینین،صحبتی سن، سوزوسن،

وثوقی چون الهام آلیبدورسندن،

آرارات سان، یا سن طورون اوزوسن،

صنوبری دائم داغدا اوخوردی،

آداخلی قیزبیگ جورابین توخوردی«ازشهریار»

میزاعلی ده دسمالینی هی باجادان سوخوردی،

خانم عمه میرزاعلی دن قورخوردی،

ای قیزیل داغ ییلاقلارین واراولسون،

اتگونده بولاقلارین واراولسون،

داغ دوشونده،چارداقلارین واراولسون،

قیزلارگلسین شورسویوندا یوو‌نسون،

قیزلاردان صورا اوغلانلار سویونسون،

قدجهاندا میوه باغی چوخ واردی،

یاخجی اوزوم، مغزگردو خرواردی،

قویونلاری کسمه لیدور پرواردی،

مهمان نوازدیلارقوناق سویللر،

اوزلرین قوناقا فدا ایدللر،،

قدجهان «قاضیجهان» - قسمت  سوم

محرمده گورملیدیرقدجهانین دسته سی،

عرشه چیخارهرگون حسین وای سسی،

زنجیرویران،سینه ویران،بیرده عرب دسته سی،

حاج محمدین روضسینه قولاق ویریب اغلاماق،

حاج حمیدین اشعارینی ضبط ایلیوب ساخلاماق،

قدجهانین چشمه لری قورویوب،

خانم باجی چورکلری سولویوب،

بشقابلارا پنیرگردو دولدوروب،

قوناق گوزلور،گلسین یسین یالانسین،

خانم باجیم،دیسین گولسون حالانسین

خانم باجیم یادگاردی ددمدن،

چوخ سویرم اونی من اوز ننمدن،

زنده دیلدی،اوزاق اولسون هرغمدن،

آیریلماسین،منیم تکین وطندن،

اوزونه غم غصه ویرمزدنیادا،

ناراحت ایله مز اوزون هرزادا،

وثوقی چوخ سویر اوز اوباسینی،

هامی سویر وطنین آناسینی،

گویلی ایستیر دوستلارین صداسینی،

بیرده قیزیل داغدان الهام آلیدی،

اوزسویدوگی یرده بیرده قالایدی،

بواشعاری یازدیم دوستلاراویانسین،

اینانمیوب اگرگورسون اینانسین،

دنیادا بیر رنگه فقط بویانسین،

اللهین رنگیندن یاخجی رنگ اولماز،،

الله رنگینه بویانان خلقی تنگ اولماز،،

نظرات (1)
7 شهریور 1395 ساعت 15:05
زندگیتون سراسر از امید و خوشبختی، دلتون سبز و لبتون خندون، پیش منم بیاین مرسیییییییییییییی
6158
امتیاز: 0 0
برای نمایش آواتار خود در این وبلاگ در سایت Gravatar.com ثبت نام کنید. (راهنما)

نام :
ایمیل :
وب/وبلاگ :
ایمیل شما بعد از ثبت نمایش داده نخواهد شد